 [تركيب الصور المقطعه بالمنتدى لرباعي الاطراف-الجـ(E)ـزء] |
ط£ط¶ظٹظپ ظپظٹ: 24-9-1427هـ | |||
|---|---|---|---|---|
|
اخواني واخواتي... وصلنا للنهايه من حيث التركيب النهايه اللي نقول عنها قوتكم وانطلاقكم في عالم التصميم الخاص بالاستايلات عرفنا كيف نصمم هيدر وفوتر وكيف نقطع وكيف نوزعها في الفرونت بيج اللحين التركيب النهائي على المنتدى مباشره ومافيه شئ يخوف المنتدى شئ بسيط نركب عليه هوايل الصور .. بالله مانقدر على اربع صور وجالسين نستصعبها انا بتكلم بشوية جديه بصراحه ان ماشفت هالمره تطبيق فوالله بخلي هالقسم دخوله برقم سري للجادين لانه حرام اجلس اسوي واتعب والناس جالسه تشكر من غير تطبيق تطبيقات المرفقات مابيه ابي واقع حي واللي ماعنده منتدى اعطيه منتدى ماهي مشكله بس ابي ناس تثبت جدارتها وتقول للعالم ماحد احسن من احد المعذره على طولة الهرج ولكن والله من حبي فيكم ابغاكم احسن الناس وافضلهم =========================================================== ننطلق في الدرس وراح نشوفه كلنا على النت نقوم بسم الله مثل مانشوف هالصوره هي اللي اخر شئ وقفنا عليه في التقطيع والتقسيم بالفرونت بيج ماعليكم من الاضافات اللي حطيتها مثل مايقال كحل عين والسلام :icon31: طبعا هذي الصوره لازم نقسمها قسمين وتقسيمها بتركيز بسيط راح يكون الجزء العلوي لاعلى المنتدى والجزء السفلي لاسفل المنتدى ولكن باسلوب تقني :icon30:  طريقة التقسيم تكمن في شئ واحد وهو التنصيف نشاهد في هالصوره ان الماوس متكي في الجهه اليمنى وحنا نبيها يتنيصف عشان نعرف نقسم  فعشان ننصفه نروح لاعلى برنامج الفرونت بيج ونختار اداة التنصيف  واوتماتيك بتلقى الماوس متربع في النص ويقول يالبيه  اللحين وش نسوي ؟ على طول نصفنا ... نروح تحت من اسفل الفرونت بيج ونختار تعليمات برمجيه  راح نشوف مثل مافي الصوره (بنشوف ان حنا من يوم اعطيناه تنصيف الا ولقينا كلمة center و راح نشوف الماوس )  طيب الان نبي نعرف وش التاليه مع هالخرابيط الزبده في هذا السطر فمن <p align="center"> الى اعلى نقطه في الفرونت بيج هذي للهيدر ومابعد << ركزوا ... ومابعد </td> الى اخر نقطه في الفرونت بيج للفوتر  اللحين للي ماوضحت له اللحين بتوضح له اكثر شوفوا هالصوره وهي اللي بتعلمكم وين الدرب السنع اللي محدد باللون الاحمر ولون اضائته اخضر فاتح للهيدر واللي محدد بالاحمر ولون اضائته للفوتر  انتيهنا كذا يالله نركب هالجزئين في المنتدى نروح للمنتدى ونضغط على رابط لوحة التحكم للمشرف العام http://www.xxxxxxx.com/vb/admincp/index.php حيث xxxxxxx هو اسم موقعك انتقلنا للوحة المنتدى ... راح نشوف على اليمين ستايلات & القوالب نختار منها : Style Manager  راح نشوف على اليسار الاستايلات كما في الصوره الجايه وطبعاً انا بحط شغلي على أستايل ::vBulletin:: لانه خاص بالتجارب وراح يكون لكم انتم بس ونطبق عليه حتى نخرج كلنا باستايل مميز باذن الله من قدام الاستايل اضغط على كلمة اذهب  راح تفتح معاك مثل مافي الصوره اللي محدد باللون الاحمر وخلفيته اخضر فاتح هو الهيدر واللي اسفل هو الفوتر ومحدد بالاحمر والخلفيه صفراء  اللحين بنقصها نصين عشان يوضح الشرح اكثر ناخذ الهيدر = header  ونحذف كل مافيه ماعدا  اللحين نروح للفرونت بيج ومثل ماقلت لكم ان حنا قسمناه نصفين  نروح ونحطه فوق بهذا الشكل  ونروح الى الفوتر وندور على اخر كلمه فيه يعني اخر شئ في الفوتر وش مكتوب اكيد  نروح ننسخ اللي في الفرونت بيج وناخذ القسم السفلي اللي تحت </td>  وننسخ كل مافي الصوره السابقه ونحطها بعد كلمة </script> بهذا الشكل  انت اللحين خلصت اضافات صح ! طيب انزل اسفل شئ في نفس صفحة الهيدر والفوتر .. يعني مره تحت اخر شئ تشوفه وضغط حفظ  وهذا تطبيقي على الواقع http://www.traidnt.net/vb/index.php?s=&styleid=1 تقبلوا تحياتي وعذراً على الاسلوب الغير محبب في بداية الدرس ولكن اريد اشخاص مجتهدين واللي ماله اي تطبيق هنا في هذا الدرس فراح اضع هذا المنتدى برقم سري لايدخله الا الجاديين ولنا تكمله على التالي : تناسق اللوان المنتدى + حفر المنتدى + خطوط المنتدى يعني بإذن واحد احد راح نبني هالاستايل مع بعض وراح نبني تطبيقاتكم وكلاً بيشوف بصمته بالنت بنفسه يعني انا بخلي هالاستايل لكم وراح نطرح كل الشروحات عليه باذن الله ولو ابي اكمله كان خلصته في ساعه ولكن والله ابيكم معاي خطوه .. خطوه بالتوفيق حبايب قلبي |
||||
| ط§ظ„ظƒط§طھط¨: تركي الودعاني |
 |
 |
|
|
ط®ظٹط§ط±ط§طھ ط§ظ„ط¯ط±ط³ :  ط§ط±ط³ظ„ ط§ظ„ط¯ط±ط³ ظ„طµط¯ظٹظ‚
 ط·ط¨ط§ط¹ط© ط§ظ„ط¯ط±ط³
 طظپط¸ ط§ظ„ط¯ط±ط³ ظƒظ…ظ„ظپ Word
 طظپط¸ ط§ظ„ط¯ط±ط³ ظƒظ…ظ„ظپ PDF
|
||||
ط§ظ„طھط¹ظ„ظٹظ‚ط§طھ
|
||||||||
|---|---|---|---|---|---|---|---|---|
|
||||||||
|
|
